Atyraýda qos azamattyqpen júrgen 4 adam anyqtalǵan

ATYRAÝ. QazAqparat – Atyraýda qos azamattyqpen júrgen 4 adam anyqtalǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, kóshi-qon qyzmeti basqarmasynyń qyzmetkerleri jyl basynan beri 4 tulǵaǵa QR azamattyǵynan aıyrý boıynsha qujat rásimdeldi. Olardyń bári Reseı Federatsııasynyń azamattyǵyn alǵan.

«Oblys aýmaǵynda qos azamattyqpen júrgenderge qatysty QR Ákimshilik quqyqbuzýshylyq týraly Kodeksiniń 496-babynyń 2-bóligimen ákimshilik hattama toltyryldy. Sot sheshimimen olardyń birine 408 380 teńge aıyppul salynsa, 3 tulǵaǵa QR aýmaǵynan tysqary shyǵaryp jiberý týraly sheshim qabyldandy» - dedi Atyraý oblysy polıtsııa departamentiniń bastyǵy polıtsııa polkovnıgi Qamza Úmbetqalıev.

Eske sala ketelik, budan buryn Atyraý oblysynda 24 sheteldik elden májbúrli túrde shyǵarylǵan bolatyn.