Atyraýda qos azamattyǵy bar áıelge 500 myń teńge aıyppul salyndy
ATYRAÝ. QazAqparat –Atyraý oblysynda qos azamattyǵy bar áıelge 500 myń teńgeden astam aıyppul salyndy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine qaraǵanda, Atyraý
oblysynyń turǵyny 13 jyl boıy qos azamattyqty zańsyz paıdalanyp júrgeni anyqtalǵan.
«Áıeldiń 1998 jyly reseılikke turmysqa shyǵyp, Reseı Federatsııasyna kóship ketkeni
belgili boldy. Ol 2007 jyly Reseı Federatsııasynyń azamattyǵyn qabyldaǵan. Biraq, bul týraly QR ishki ister organdaryna tıisti 30 kúndik merzimde habarlamaǵan.
Qazaqstannyń azamattyǵyn rastaıtyn jeke kýáligin tapsyrmaǵan. Sondaı-aq, onyń 2012-
2019 jyldar aralyǵynda Qazaqstan Respýblıkasyna birneshe ret kelip, Reseı Federatsııasynyń tólqujatymen elden shyǵyp ketkeni anyqtaldy. Áıel Qurmanǵazy
aýdandyq polıtsııa bólimine jetkizildi» -dep habarlady departamenttiń baspasóz qyzmeti.
Qos azamattyǵy bar azamatshaǵa qatysty QR Ákimshilik quqyqbuzýshylyq týraly Kodeksiniń 496-babynyń 2-bóligimen (QR zańnamasynda belgilengen merzimde sheteldik azamattyqty alý faktisin habarlamaý) ákimshilik hattama toltyrylyp, oǵan 200 aılyq eseptik kórsetkish mólsherinde aıyppul salyndy.
