Atyraýda qorshaǵan ortany lastaıtyn kólikpen júrgen 16 júrgizýshi jaýapqa tartyldy
ATYRAÝ. QazAqparat - Atyraýda qorshaǵan ortany lastaıtyn kólikpen júrgen 16 júrgizýshi jaýapqa tartyldy, – dep habarlaıdy Polisia.kz.
Qala aýmaǵynda turǵyndar tarapynan qorshaǵan ortaǵa bólinetin zııandy qaldyqtary shamadan tys artyp ketken kólik quraldarynyń qozǵalysy kóbeıip ketkendigi jóninde habarlamalardyń jıi túsýde. Osyǵan baılanysty Atyraý qalasy Polıtsııa basqarmasy Oblystyq ekologııa departamentine usynys joldap, 2021 jyldyń 28-29 shilde kúnderi birlesken jumystar atqardy.
– Atyraý qalasy Polıtsııa basqarmasy qyzmetkerleri 20 dan astam kólik quraldarynyń qorshaǵan ortaǵa bólinetin zııandy qaldyqtardyń normalaryna sáıkestigin tekserdi. Tekserý kezinde 16 kólik quralynyń shyǵaryndylarynda lastaýshy zattardyń normalary shamadan tys ekendigi anyqtalyp, kólik júrgizýshileri QR ÁQBtK-niń 334-babyna sáıkes (Shyǵaryndylarda lastaýshy zattardyń bolýy normatıvterden asyp ketetin avtomotokólikterdi jáne basqa da jyljymaly quraldardy paıdalaný) ákimshilik jaýapqa tartyldy, – dedi Atyraý oblysy Polıtsııa departamenti bastyǵy Qamza Úmbetqalıev.
