Atyraýda qorshaǵan ortany lastanǵany úshin myńnan astam adam jaýapqa tartyldy
ATYRAÝ. QazAqparat – 2019 jyly polıtsııa qorshaǵan ortany lastaýshylarmen erekshe belsendi jumys júrgizdi, dep habarlaıdy QazAqparat.
Atyraý oblystyq Polıtsııa departamenti baspasóz qyzmetiniń ókili Gúlnázıra Muhtarovanyń habarlaýynsha, 2019 jyly ruqsat etilmegen jerge qoqys tastaǵany jáne kárizden shyǵatyn qaldyqtardy aǵyzyp jibergeni úshin qala turǵyndaryna 1 myń 72 hattama toltyrylǵan.
Polıtsııa qyzmetkerleriniń habarlaýynsha, osyndaı áreketti turǵyndar úsh ret qaıtalaıtyn bolsa, olar 15 táýlikke qamaýǵa alynady.
A.Sokolov
