Atyraýda koronavırýsten kóz jumǵan naýqastar týraly aıtyldy
ATYRAÝ. QazAqparat –Atyraý oblysynda koronavırýsten eki adam qaıtys boldy, dep habarlaıdy QazAqparat.
Qazaqstanda koronavırýsten taǵy 4 adam kóz jumǵanyn buǵan deıin jazǵan bolatynbyz. Onyń ishinde 2 jaǵdaı Atyraý oblysynda tirkeldi.
COVID-19 ınfektsııasynyń taralýyna jol bermeý jónindegi vedomstvoaralyq komıssııanyń málimetinshe, qaıtys bolǵan eki naýqas ta –Atyraý oblysynyń turǵyndary.
«Onyń biri –Teńiz kenishiniń 56 jastaǵy jumysshysy, al ekinshisi –69 jastaǵy zeınetker. Qazir COVID-19 ınfektsııasy saldarynan qaıtys bolǵan naýqastardyń ólim jaǵdaıyn taldaý maqsatynda qurylǵan komıssııa klınıkalyq tekseris júrgizýde. Onyń qorytyndysy qosymsha habarlanady», - dep málim etti vedomstvoaralyq komıssııadan.
Aıta keteıik, bul, Atyraý óńirinde koronavırýsten tirkelgen alǵashqy ólim jaǵdaılary. Oblysta ınfektsııany juqtyrýdyń jalpy 1140 jaǵdaıy tirkeldi. Jazyldy 532 adam.
Al el boıynsha anyqtalǵan oqıǵalardyń jalpy sany - 11 796. Jazylyp shyqty – 6240, qaıtys boldy - 48 naýqas.
