Atyraýda koronavırýstan jazylǵandar sany 72 paıyzǵa jetti
ATYRAÝ. QazAqparat - Qazirgi ýaqytta Atyraýda koronavırýs ınfektsııasyn juqtyrǵan naýqastardyń 72 paıyzy emdelip shyqqan. ıAǵnı, KVI syrqatymen tirkelgen 10 383 naýqastyń búginde 7458-i qulan taza saýyǵyp shyqqan, dep habarlaıdy Atyraý oblysy densaýlyq saqtaý basqarmasynyń baspasóz-qyzmeti.
«Biraq, bul nátıjege bosańsýǵa bolmaıdy. «Ekinshi tolqynǵa» daıyndyqty kúsheıtýimiz kerek. Dári-dármek, basqa da uıymdastyrý sharalaryn qabyldaýymyz qajet.
Onymen birge aýrýhanalardaǵy josparly emdeýdi úsh-tórt kúnde bastaımyz. Tek qana koronavırýs emes, basqa da esepte turatyn naýqastar kúndelikti emin alýy tıis»,- dedi Atyraý oblysy densaýlyq saqtaý basqarmasynyń basshysy Nurlybek Qabdyqaparov.
