Atyraýda koronavırýstan kóz jumǵan naýqas úıinde bir apta jatyp qalǵan
ATYRAÝ. QazAqparat –Atyraý oblysynda koronavırýstan qaıtys bolǵan eki adamnyń biri úıinde bir apta jatyp qalǵan, dep habarlaıdy QazAqparat.
Bul týraly búgin Atyraý oblystyq densaýlyq saqtaý basqarmasy basshysynyń mindetin atqarýshy Nurlybek Qabdyqaparov málim etti.
«Koronavırýs indetinen qaıtys bolǵan naýqastyń biri respıratorly belgilerimen aýyrǵannan keıin oblystyq aýrýhananyń provızorlyq bólimshesine medıtsınalyq jedel-járdem kómegimen jetkizildi. Aýyr jaǵdaıda «eki jaqty pnevmonııa, jedel tynys alý jetispeýshiligi» dıagnozymen jatqyzylǵan syrqatty dárigerler aman alyp qala almady.
Al, kóz jumǵan ekinshi adam bir apta boıy úıinde aýyrǵan. Alǵashqy úsh kúnde dıareıa belgileri, artynan jótel, dene qyzýynyń joǵarylaýy, entigý, jalpy álsizdik, tábetiniń tómendeýi belgileri paıda bolǵan. Keýde kletkasynyń KT zertteýi jasaldy. Ókpe tininiń zaqymdalý kólemi 50% qurady. Aýrýhanaǵa túsken kezden bastap naýqas VRAR rejıminde muryn arqyly ókpeni jasandy jeldetý apparatyna qosyldy»,- dedi Nurlybek Qabdyqaparov.
Buǵan deıin Atyraýda koronavırýstan eki qaıtys bolǵanyn habarlap edik.
