Atyraýda koronavırýspen kúreske 2 myńnan asa medqyzmetker jumyldyrylǵan
ATYRAÝ. QazAqparat - Atyraý oblysynda COVID-19 indetimen kúreske 2 myńnan asa medıtsına qyzmetkeri tartylǵan, dep habarlaıdy QazAqparat óńirlik kommýnıkatsııalar qyzmetine silteme jasap.
Budan bólek, óńirde qazirgi ýaqytta 278 medıtsına qyzmetkeri tapshy.
Qazirgi ýaqytta oblystaǵy dárigerler jetispeýshiligi máselesi sheshimin taýyp jatyr. Ol úshin ishki resýrstardy paıdalaný týraly sheshim qabyldanyp, medıtsına fakýltetinde oqıtyn joǵary kýrs stýdentteri pandemııamen kúreske tartyldy.
Ótken demalys kúnderi Atyraý oblysyna Batys Qazaqstan medıtsına ýnıversıtetiniń 32 túlegi, elimizdiń medıtsınalyq joǵary oqý oryndarynda oqyp jatqan atyraýlyq 102 ıntern men rezıdent keldi. Qalǵan 70 dáriger bir aıdyń ishinde keledi dep kútilýde.
Aıta keteıik, buǵan deıin óńirge Aqtóbe oblysynan - 8 dáriger, Reseı Federatsııasynan - 11 dáriger, onyń ishinde Astrahan oblysynan 5 dáriger kelgen edi.
Búginde olar oblystaǵy medıtsınalyq mekemelerde qyzmet atqarýda.
