Atyraýda koronavırýspen kúres jónindegi jedel shtab qaıta qurylady

ATYRAÝ. QazAqparat – Atyraý oblysynda koronavırýspen kúres jónindegi jedel shtabtyń jumysy qaıta jandanady, dep habarlaıdy QazAqparat.

Bul týraly oblystyń bas memlekettik sanıtar dárigeriniń qaýlysynda aıtylǵan.

«Atyraý oblysynyń ákimdigine koronavırýs ınfektsııasymen kúres jónindegi aımaqtyq jedel shtab qurý tapsyryldy. Shtab shekteý sharalary men talaptardyń oryndalýyn baqylaýdy qamtamasyz etýi kerek. Qajet bolǵan jaǵdaıda qatań karantın sharalaryn engizý týraly usynys bildire alady» - deıdi Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Súleımen Áýbákirov.

Aıta keteıik, Atyraý oblysynda 5 shildeden bastap 19 shildege deıin qatań shekteý sharalary engiziledi. Buǵan deıin Jylyoı aýdany men Teńiz ken ornynda engizilgen karantın saqtalady.