Atyraýda koronavırýsqa shaldyqqandar sany 6 myńnan asty
ATYRAÝ. QazAqparat – Atyraý oblysynda koronavırýsqa shaldyqqandardyń sany 6 156 adamǵa jetti, dep habarlaıdy QazAqparat.
Oblys ákimi Mahambet Dosmuhambetovtiń málimetinshe, Atyraýda 27 naýryz-7 shilde aralyǵynda sımptomsyz naýqastardy qosa eseptegende koronavırýs ınfektsııasy rastalǵan 6 156 jaǵdaı tirkelgen.
Naýqastardyń arasynda indetti kóp juqtyrǵandar – Jylyoı aýdanynyń turǵyndary. Munda qaýipti indetke shaldyqqan 2 822 adam bar. Onyń ishinde 2 063 jaǵdaı Teńiz kenishindegi káisporyndar jumysshylarynan anyqtalǵan.
«Koronavırýs ınfektsııasyn juqtyrǵandardyń kóbi – 20 men 60 jas aralyǵyndaǵy azamattar. Onyń ishinde 3 373 jaǵdaı skrınıng kezinde anyqtaldy. Al, 1 902 naýqas qaýipti indetke shaldyqqandarmen jaqyn qarym-qatynasta bolǵandar. Qalǵandarynan medıtsınalyq kómekke júginý kezinde belgili bolyp otyr. Qazirgi ýaqytta aýdandyq jáne aýyldyq jerlerde toı-tomalaq pen janazaǵa jınalǵandar da vırýstyń taralýyna áserin tıgizdi, - dedi oblys ákimi Mahambet Dosmuhambetov tikeleı efırde ótken brıfıngide.
Qazir oblysta koronavırýs juqtyrǵan 6 156 naýqastyń arasynan 1 476 patsıent jazylyp shyqqan.
Eske sala ketelik, budan buryn Atyraý oblysynda 278 medıtsına mamany jetispeıtinin habarlap edik.
