Atyraýda koronavırýs juqtyrý kórsetkishi 2,6 esege tómendedi
Bul týraly búgin onlaın brıfıngte oblystyq densaýlyq saqtaý basqarmasynyń basshysy Ashan Baıdýálıev málim etti.
«Atyraý oblysynda 2020 jyldyń naýryzynan beri 62 186 adamnan COVID-19 ınfektsııasy anyqtaldy. Sodan beri naýqastardyń 98,2%-y saýyǵyp shyqty. Sońǵy eki
aptada koronavırýs ınfektsııasyn juqtyrý deregi 2,6 esege tómendedi. Qazir óńirdegi 2 360 tósektik ınfektsııalyq statsıonarlarda qaýipti vırýs belgisi tabylǵan 50 naýqas emdelip jatyr. Onyń ishinde jansaqtaý bóliminde jaǵdaıy aýyr 9 patsıent oqshaýlanǵan», -dedi Ashan Baıdýálıev.
Onyń málimetinshe, osy kezge deıin koronavırýs ınfektsııasyna qarsy vaktsınalardyń I komponentin 268 012 adam saldyrǵan. Al, vaktsınalardyń II komponentin ektirgen
atyraýlyqtardyń sany 253 002 adamǵa jetken.
Eske sala ketelik, buǵan deıin Teńiz kenishindegi ınfektsııalyq statsıonarda koronavırýsten emdelip jatqan naýqas joq ekenin habarlaǵan bolatynbyz.
