Atyraýda koronavırýs juqtyrǵandarmen baılanysta bolǵan 30 adam kóshede qydyryp júrgen
Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 14 kúnge ózin-ózi oqshaýlaý rejımin buzyp, «qyzyl» mártebemen qydyryp júrgen 30 adam anyqtalǵan.
«Onyń ishinde Atyraý qalasynyń 15 turǵyny bar. Sondaı-aq, túrli nysandarǵa Isataı aýdanynda - 6, Jylyoıda – 3, Mahambette – 2, Qyzylqoǵada – 2, Inderde 2 turǵyn «qyzyl» mártebemen kelgen. Bul turǵyndar qaýipti vırýsty juqtyrǵan naýqastarmen baılanysta bolyp, 14 kúnge oqshaýlaný jónindegi karantın talabyn buzǵan. Sol sebepten olarǵa Ákimshilik quqyq buzý kodeksiniń 425-baby 1-tarmaǵyna sáıkes hattama toltyrylyp, aıyppul salyndy», -dep habarlady departamenttiń baspasóz qyzmeti.
Eske sala ketelik, buǵan deıin Atyraýda keıbir nysandardyń jumys ýaqyty túngi 02:00-ge deıin sozylatynyn habarlaǵan edik.
