Atyraýda koronavırýs juqtyrǵandarmen 109 adam baılanysta bolǵan
ATYRAÝ. QazAqparat –Atyraý oblysynda koronavırýs ınfektsııasyn juqtyrǵan 6 naýqaspen 100-den astam adam baılanysta bolǵan, dep habarlaıdy QazAqparat.
Óńirlik kommýnıkatsııalar qyzmetiniń málimetinshe, indetke shaldyqqan 6 naýqaspen qarym-qatynas jasaǵan 109 adam anyqtalyp, olardyń barlyǵy oqshaýlanǵan.
«Olardan koronavırýs ınfektsııasynyń bar-joǵyn anyqtaý úshin analız alyndy. Onyń qorytyndysymen 67 adamda test teris nátıje kórsetti. Al, qalǵan 42 adamnyń test qorytyndysy jýyq arada belgili bolady», - delingen málimette.
Aıta keteıik, 29 naýryz kúni Atyraý oblysynda koronavırýs juqtyrýdyń altynshy oqıǵasy rastaldy.
Qazaqstan boıynsha naýqastar sany 271-ge jetti.
