Atyraýda koronavırýs juqtyrǵandardyń biri «Teńiz» kenishinde jumys istegen
ATYRAÝ. QazAqparat –Búgin Atyraý oblysynda koronavırýs ınfektsııasy anyqtalǵan naýqastyń biri «Teńiz» kenishinde jumys istegen, dep habarlaıdy QazAqparat.
Óńirlik kommýnıkatsııalar qyzmetiniń habarlaýynsha, 50 jastaǵy áıel «Teńizshevroıl» JShS-ne qarasty merdiger mekemeniń birinde jumys istegen. Ol «Vaternas» vahtalyq qalashyǵynda turǵan.
«Bul oqıǵa kompanııanyń óndiristik jumysyna áser etpeıdi. «Teńizshevroıl» kompanııasy qyzmetkerlerin vırýstan qorǵaý úshin barlyq jaǵdaıdy jasady. Qazir mundaǵy barlyq nysanda dezınfektsııalaý jumystary turaqty júrgizilýde» -dedi kompanııanyń baspasóz qyzmeti.
Naýqas áıel ınfektsııalyq ızolıatorǵa jatqyzyldy. Onymen qarym-qatynas jasaǵan adamdar anyqtalyp, oqshaýlanyp jatyr.
Eske sala ketelik, búgin Atyraý oblysynda 4 adamnyń voronavırýs juqtyrǵany jazylǵan edi .
