Atyraýda koronavırýs juqtyrǵandar sany 2 myńnan asýy múmkin

ATYRAÝ. QazAqparat –Atyraý oblysynda koronavırýs juqtyrýshylar sany 2 myńnan asýy múmkin. Tótenshe jaǵdaı rejımin qamtamasyz etý jónindegi óńirlik jedel shtab osyndaı aqparat taratty, dep habarlaıdy QazAqparat.

Atyraý oblysynyń bas sanıtarlyq dárigeri Temirbek Musaǵalıevtiń qazirgi epıdemıologııalyq ahýaldy saralaǵan boljamyna qaraǵanda, 31 mamyrǵa deıin óńirde dál osyndaı derek tirkelýi múmkin.

Onyń aıtýynsha, Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandary óńirdegi epıdemıologııalyq ahýaldyń órbýi týraly birneshe nusqa daıyndaǵan. Turǵyndar ózin-ózi oqshaýlap, sanıtarlyq talaptar men shekteýlerdi saqtaıtyn bolsa, mamyrdyń aıaǵyna deıin qaýipti indetti juqtyratyndar 800-den aspaıdy.

«Karantın talaby buzylatyn bolsa, indetti juqtyrýshylar sany jedel ósip, 31 mamyrda 2 myńnan asýy múmkin. Sol sebepten, shekteý sharalaryn birtindep alýǵa májbúrmiz», -deıdi Temirbek Musaǵalıev.