Atyraýda koronavırýs juqtyrǵandar arasynda 4 bala bar
ATYRAÝ. QazAqparat - Atyraý oblysynda bir táýlikte 25 adam koronavırýs juqtyrdy. Olardyń arasynda 4 bala bar, dep habarlaıdy QazAqparat.
Óńirlik jedel shtabtyń habarlaýynsha, ótken táýlikte 25 adamnan qaýipti indettiń belgisi tabylǵan. Naýqastardyń arasynda 4 bala bar.
«Aýdandarda 8 naýqas tirkeldi. Maqat aýdanynda 11 jastaǵy er bala, 4 jáne 9 jasar qyzdardan, 62 jáne 57 jastaǵy áıelderden koronavırýs anyqtaldy. Al, Jylyoı aýdanynda 7 jasar qyz ben 70 jastaǵy áıelden tabyldy. Isataı aýdanynyń 62 jastaǵy turǵynynan qaýipti indet tirkelip otyr» -dep habarlady jedel shtab.
Sondaı-aq, Teńiz kenishinen 17 naýqas anyqtalǵan.
