Atyraýda koronavırýs juqtyrǵan naýqastardy teksergen 4 medqyzmetker oqshaýlandy

ATYRAÝ. QazAqparat – Atyraýda COVID-19 indetin juqtyrǵandardy teksergen 4 medıtsına qyzmetkeri oqshaýlandy, dep habarlaıdy QazAqparat.

Oblystyq densaýlyq saqtaý basqarmasynyń málimetinshe, №2 emhanadan – 2, №3 emhananyń - 2 medqyzmetkeri oqshaýlanǵan. Qyzmetkerler tekseristen ótken. Olardyń nátıjesi 6 saǵattan keıin belgili bolady.

«Barlyq qalalyq emhana qalypty rejımde jumys isteýde. Atyraý oblystyq densaýlyq saqtaý basqarmasy emhanalardyń karantınge jabylýy týraly aqparattyń shyndyqqa janaspaıtynyn, jalǵan aqparat taratýshylardyń barlyǵy ákimshilik nemese qylmystyq jaýapkershilikke tartylatynyn resmı túrde málimdeıdi» -dep habarlady basqarmadan.

Eske sala keteıik, Qazaqstanda koronavırýs juqtyrǵandar sany 150-ge jetti. Sonyń úsheýi - Atyraý oblysynda tirkelgen.