Atyraýda koronavırýs juqtyrǵan eki jasar bala jansaqtaý bóliminde jatyr
ATYRAÝ. QazAqparat – Atyraýda koronavırýs ınfektsııasyn juqtyrǵan eki jasar bala jansaqtaý bóliminde jatyr, dep habarlaıdy QazAqparat.
Oblystyq densaýlyq saqtaý basqarmasy basshysynyń orynbasary Janar Sadýovanyń málimetinshe, bıylǵy qańtardan beri 2 283 bala qaýipti vırýsqa shaldyqqan.
«Jyl basynan beri 141 bala statsıonarlarda emdelgen. Onyń ishinde 3 bala jansaqtaý bóliminde jatqan. Qazir ınfektsııalyq statsıonarda 10 bala emdelip jatyr. Jansaqtaý bóliminde oqshaýlanǵan 2019 jylǵy bir balanyń jaǵdaıy aýyr» -deıdi Janar Sadýova.
Onyń málimetine súıensek, qazir 389 bala ambýlatorııada baqylaý arqyly emdelýge jiberilgen.
Eske sala ketelik, buǵan deıin Atyraýda 4 myńǵa jýyq bala koronavırýsqa shaldyqqanyn habarlaǵan edik.
