Atyraýda koronavırýs juqtyrǵan eki patsıenttiń jaǵdaıy aýyr
ATYRAÝ. QazAqparat - Coronavirus2020.kz málimetinshe, 7 sáýir kúni tańerteń Atyraýda koronavırýs juqtyrǵan taǵy úsh jaǵdaı anyqtalǵan, dep habarlaıdy QazAqparat.
Qaýipti ınfektsııa juqtyrǵan jańa jaǵdaılar týraly densaýlyq saqtaý basqarmasynan habarlandy. Vırýs juqtyrǵandar arasynda 37 jastaǵy áıel, 18 jastaǵy jas jigit jáne 82 jastaǵy qarııa bar.
«Zeınetkerden pnevmonııa tabyldy. Onyń jaǵdaıy aýyr», - dep naqtylady oblystyqtyq densaýlyq saqtaý basqarmasynda.
Qazirgi ýaqytta naýqastar ınfektsııalyq statsıonarǵa jatqyzylǵan.
Osylaısha Atyraý oblysynda Covid-19 vırýsyn juqtyrǵandar sany 32 adamǵa jetti.
Qazirgi ýaqytta 28 patsıenttiń jaǵdaıy qanaǵattanarlyq dep baǵalandy,olarda aýrýdyń jeńil túri baıqalady. Eki adamnyń jaǵdaıy ortasha aýyr, taǵy eki patsıenttiń jaǵdaıy aýyr.
Tıisti organdar naýqastarmen baılanysta bolǵan adamdardy anyqtap, olardy shuǵyl oqshaýlaıdy.
