Atyraýda koronavırýs juqtyrǵan 67 naýqas jansaqtaý bóliminde jatyr
ATYRAÝ. QazAqparat – Atyraýda koronavırýs juqtyrǵan 67 naýqas jansaqtaý bóliminde jatyr, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, qaýipti vırýsqa shaldyqqandardyń arasynan jaǵdaıy aýyr 67 naýqas jansaqtaý bólimine túsken.
«Qazir 3040 tósek-orny bar ınfektsııalyq statsıonarlarda 1 182 naýqas jatyr. Bul statsıonarlardaǵy júktemeni 38,8%-ǵa jetkizdi. Al, statsıonarlardyń 113 oryndyq jansaqtaý bólimderinde 67 naýqas em qabyldaý úshin oqshaýlandy. Onyń ishinde jaǵdaıy óte aýyr 11 patsıent ókpeni jasandy jeldetý apparatyna qosylǵan. Jansaqtaý bólimindegi júkteme júkteme 59,2%-dy quraıdy» -dep habarlady basqarmanyń baspasóz qyzmeti.
Eske sala ketelik, buǵan deıin Atyraýda 11 naýqas ókpeni jasandy jeldetý apparatyna qosylǵanyn habarlaǵan bolatynbyz.
