Atyraýda koronavırýs juqtyrǵan 61 júkti áıel emdelip jatyr
ATYRAÝ. QazAqparat – Atyraýdaǵy modýldik aýrýhananyń ınfektsııalyq statsıonarynda koronavırýs juqtyrǵan 61 júkti áıel emdelip jatyr, dep habarlaıdy QazAqparat.
Munaıly óńirdegi №2 oblystyq aýrýhananyń dırektory Maǵjan Sıdjanovtyń málimetine súıensek, modýldik aýrýhana men №2 oblystyq aýrýhananyń ınfektsııalyq statsıonarlaryndaǵy tósek-oryndardyń 94 paıyzy naýqastarmen tolǵan.
«Qazir ınfektsııalyq statsıonarda 61 júkti áıelge qosa, 11 bosanǵan ana 8 sábı em qabyldaý úshin oqshaýlandy. Modýldik aýrýhananyń jansaqtaý bóliminde 20 patsıent jatyr. Onyń altaýy ókpeni jasandy jeldetý apparatyna qosylǵan. Al, №2 oblystyq aýrýhananyń jansaqtaý bóliminde 16 naýqas emdelýde», -dedi Maǵjan Sıdjanov.
Onyń aıtýynsha, atalǵan aýrýhanalardyń ınfektsııalyq statsıonarlarynda bos oryn azaıǵan. Máselen, modýldik aýrýhanada 15, №2 oblystyq aýrýhanada 12 bos oryn qalǵan.
Eske sala ketelik, buǵan deıin Atyraýda jansaqtaý bóliminde 46 naýqas jatqanyn
habarlaǵan edik.
