Atyraýda koronavırýs juqtyrǵan 29 naýqastyń 2-eýi – jasóspirim
ATYRAÝ. QazAqparat –Atyraý oblysynda koronavırýs ınfektsııasyn juqtyrǵandardyń arasynda 2 jasóspirim bar, dep habarlaıdy QazAqparat.
Oblysta osy ýaqytqa deıin ınfektsııa 29 adamnan tabylǵanyn jazǵan bolatynbyz.
Óńirlik kommýnıkatsııalar qyzmeti taratqan aqparatqa qaraǵanda, olardyń arasynda 16 jasqa tolmaǵan 2 jasóspirim bar.
Búginde 26 patsıenttiń jaǵdaıy –qanaǵattanarlyq, 2 naýqastyń densaýlyǵy ortasha aýyr bolsa, bireýi aýyr kúıde.
«Dárigerlerdiń aıtýynsha, búgin, 6 sáýir, saǵat 13:00-degi jaǵdaı boıynsha ınfektsııalyq statsıonarda 29 naýqas em qabyldap jatyr. Provızorlyq statsıonarda –20, karantındik statsıonarda 174 adam jatyr. Úı karantınine 889 adam oqshaýlanǵan», - dep habarlady Óńirlik kommýnıkatsııalar qyzmetinen.
