Atyraýda koronavırýs juqtyrǵan 29 naýqas jansaqtaý bóliminde jatyr
ATYRAÝ. QazAqparat – «Sary» aımaqtaǵy Atyraý oblysynda koronavırýs juqtyrǵan 29 naýqas jansaqtaý bóliminde jatyr, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, koronavırýs ınfektsııasyn juqtyryp, jansaqtaý bólimine túsken 29 naýqastyń 7-eýi ókpeni jasandy jeldetý apparatyna qosylǵan.
«Óńirde 2 098 tósek-orny bar ınfektsııalyq statsıonarlarda 460 adam em alyp jatyr. Infektsııalyq statsıonarlardaǵy júkteme – 21,9%. Al, 81 oryndyq jansaqtaý bóliminde 29 naýqas oqshaýlandy. Mundaǵy júkteme 35,8%» -dep habarlady basqarmanyń baspasóz qyzmetin.
Byltyrǵy naýryzdan beri Atyraý oblysynda koronavırýs ınfektsııasyn juqtyrǵandar sany 24 135 adamǵa jetken. Naýqastardyń arasynan 22 891 adam saýyǵyp shyqqan. Bul qaýipti vırýsqa shaldyqqandardyń 94,8%-y.
Eske sala ketelik, budan buryn Atyraý oblysynda koronavırýs juqtyrǵan 27 naýqas jansaqtaý bóliminde jatqanyn habarlaǵan bolatynbyz.
