21:37, 05 Qazan 2021 | GMT +5
Atyraýda koronavırýs juqtyrǵan 23 naýqastyń jaǵdaıy aýyr
ATYRAÝ. QazAqparat – «Sary» aımaqtaǵy Atyraýda koronavırýs ınfektsııasyna shaldyqqan 23 naýqastyń jaǵdaıy aýyr, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń aqparatyna súıensek, óńirdegi 2 352 tósek-orny bar ınfektsııalyq statsıonarlarda qaýipti vırýstan 269 naýqas emdelip jatyr.
«Qazir ınfektsııalyq statsıonarlardaǵy júkteme 11,4 paıyzdy qurap otyr. Statsıonarlardyń 90 orynǵa eseptelgen jansaqtaý bóliminde hal-ahýaly aýyr 23 naýqas oqshaýlanǵan. Onyń ishinde jaǵdaıy óte aýyr 5 patsıent ókpeni jasandy jeldetý apparatyna qosylǵan. Bul bólimdegi tósek-oryn juktemesi – 25,5 paıyz» -dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda koronavırýs juqtyrǵan 27 naýqastyń jaǵdaıy aýyr ekenin habarlaǵan edik.