Atyraýda koronavırýs juqtyrǵan 16 naýqas jansaqtaý bóliminde jatyr
ATYRAÝ. QazAqparat - Atyraýda koronavırýs juqtyrǵan 16 naýqas jansaqtaý bóliminde aýyr haldegi jatyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetine súıensek, Atyraýdaǵy modýldik ınfektsııalyq aýrýhanasynyń jansaqtaý bólimine 16 naýqas túsken.
«Jansaqtaý bólimindegi naýqastardyń arasynda 12 adam aýyr halde, 4 adam óte aýyr halde jatyr. Olardyń segizi – 65 jasqa deıingiler, taǵy 8 naýqas 65 jastan asqan. Naýqastardyń 5-eýi ókpeni jasandy jeldetý apparatyna qosylǵan. Barlyq naýqas densaýlyq saqtaý basqarmasynyń erekshe baqylaýyna alyndy. Sondaı-aq kún saıyn Nur-Sultan qalasyndaǵy Ulttyq medıtsınany úılestirý ortalyǵynyń, ózge de beıindi mamandardyń konsýltatsııalary ótkiziledi» -dedi basqarmanyń baspasóz qyzmetinen.
