Atyraýda koronavırýs juqtyrǵan 13 naýqas jansaqtaý bóliminde jatyr

ATYRAÝ. QazAqparat – Atyraýda koronavırýs ınfektsııasyn juqtyrǵan 13 naýqas jansaqtaý bóliminde jatyr, dep habarlaıdy QazAqparat.

Atyraý oblystyq densaýlyq saqtaý basqarmasynyń baspasóz qyzmetinen málim etkendeı, ınfektsııalyq statsıonarlarda 181 adam em qabyldap jatyr.

«Qazir óńirdegi 730 tósek-orny bar ınfektsııalyq statsıonarlardaǵy júkteme 24,8%-dy quraıdy. Al, 75 orynǵa eseptelgen jansaqtaý bóliminde jaǵdaıy nasharlaǵan 13 naýqas oqshaýlanǵan. Onyń ishinde jaǵdaıy óte aýyr 2 patsıent ókpeni jasandy jeldetý apparatyna qosylǵan. Bul bólimdegi júkteme 17,3%-dy qurap otyr» -dep málim etti basqarmanyń baspasóz qyzmetinen.

Eske sala ketelik, buǵan deıin Atyraý oblysynda koronavırýs juqtyrǵandar sany kúrt tómendegenin jazǵan edik.