Atyraýda koronavırýs vaktsınasyn salý úshin 22 emhanadan oryn daıyndaldy
ATYRAÝ. QazAqparat – Atyraý oblysynda koronavırýsqa qarsy ekpe salý aqpan aıynda bastalady, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, ekpeni aldyńǵy kezekte medıtsına mamandaryna salý josparlanyp otyr.
«Densaýlyq saqtaý mınıstrligi bekitetin algorıtmge sáıkes, turǵyndarǵa erikti túrde ekpe salý vaktsınaǵa jaýapty medıtsına mamandary kásibı oqýdan ótkennen keıin aqpan aıynda bastalady. Oblys turǵyndaryna vaktsına salý úshin bastapqy medıtsınalyq-sanıtarlyq kómek kórsetetin 22 uıymda oryn daıyndaldy. Onyń ishinde 15 memlekettik uıym bar. Qalǵany – jekemenshik medıtsınalyq uıymdar» -dep habarlady basqarmanyń baspasóz qyzmeti.
Emhanalar vaktsına salýdy turǵyndardyń sanyna qaraı erikti túrde bastaıdy.
Algorıtmge sáıkes, ekpeni birinshi kezekte koronavırýs ınfektsııasyn juqtyrǵan naýqastarǵa kómek kórsetetin medıtsına mamandaryna salý josparlanyp otyr.
Eske sala keteıik, budan buryn Teńiz kenishindegi naýqastar 81 adamǵa kóbeıgenin habarlaǵan edik.
