Atyraýda koronavırýs ınfektsııasynan 17 adam jazylyp shyqty
ATYRAÝ. QazAqparat – Búgin Atyraý oblysynda koronavırýs ınfektsııasyn juqtyrǵandardyń arasynan 17 adam jazylyp shyqty, habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń málimetinshe, qaýipti indetten aıyqqandardyń arasynda Teńiz kenishinde jumys istegen 16 jumysshy bar. Olardyń 11-i – er, beseýi – áıel adam. Al, taǵy 1 adam – Atyraý qalasyndaǵy №4 emhananyń medbıkesi. Onyń jasy 57-de.
«Emdelýshilerden koronavırýs ınfektsııasyna alynǵan baqylaý testiniń qorytyndysy teris nátıjeni kórsetti. Búgin bul patsıentter ınfektsııalyq statsıonardan shyǵaryldy», - dep habarlady óńirlik jedel shtab.
Eske sala ketelik, buǵan deıin Reseıden kelgen 5 túrkistandyqtan koronavırýs ınfektsııasy anyqtalǵanyn jazǵan edik.
