Atyraýda koronavırýs ınfektsııasyn juqtyrý deregi tómendedi
ATYRAÝ. QazAqparat – Sońǵy aptada «sary» aımaqqa turaqtaǵan Atyraý oblysynda koronavırýs ınfektsııasyn juqtyrý deregi tómendedi, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, ótken táýlikte 43 adamnyń koronavırýs ınfektsııasyna shaldyqqany PTR-test arqyly rastalǵan.
«Naýqastardyń arasynda Atyraý qalasynan 16 bar. Al Teńiz kenishinde 23 jumysshydan, Jylyoı aýdanynda 3, Mahambet aýdanynda 1 adamnan Sovid-19 anyqtaldy. Qaýipti vırýstyń sımptomdy túri 9 naýqastan tabyldy. Sońǵy málimetke sáıkes, ótken táýlikte koronavırýs ınfektsııasynan 44 adam emdelip shyqtyá –dep habarlady basqarmanyń baspasóz qyzmetinen.
Qazir óńirde 370 adam úı jaǵdaıynda emdelip jatyr. Sondaı-aq, oblystyq ınfektsııalyq statsıonarda 71, aýdandardaǵy statsıonarlarda 24 naýqas em qabyldaýdy jalǵstyrýda.
Eske sala ketelik, buǵan deıin Atyraýda byltyrǵy naýryzdan beri 643 myń PTR-test júrgizilgenin habarlaǵan edik.
