Atyraýda koronavırýs indetinen aıyqqandar sany myńǵa jýyqtady
NUR-SULTAN. QazAqparat – Atyraý oblysynda Covid-19 indetinen jazylǵandar adam sany 985-ke jetti, dep habarlaıdy óńirlik ákimdiktiń baspasóz qyzmeti.
Munaıly ólkede koronavırýs ınfektsııasynan taǵy 24 adam jazylyp shyqqan: 16 adam – Teńiz kenishinde jumys isteıtin qyzmetker, 4-eýi — Jylyoı, Qurmanǵazy aýdandarynyń turǵyny. Sonymen qatar, Qyzylqoǵa aýdanynan 1, Atyraý qalasynan 1 turǵyn qaýipti indetten emdelip shyqqan.
«Qazirgi ýaqytta emdelip shyqqan jandar ózin jaqsy sezinedi, koronavırýstyń bar-joǵyn anyqtaý úshin jasalǵan sońǵy test olardyń saý ekenin kórsetti», - deıdi oblys ákimdiginiń baspasóz qyzmeti
Osylaısha, Atyraý oblysynda koronavırýs ınfektsııasynan aıyqqandar sany 985 adamǵa jetti.
