Atyraýda qorapqa salynǵan 8-9 aılyq bala tabyldy
ATYRAÝ. QazAqparat - Atyraýda qorapqa salynǵan 8-9 aılyq bala tabyldy, dep habarlaıdy «QazAqparat» HAA tilshisi.
Qoqys jáshikteriniń janyna tastap ketken qoraptan bala tabylǵany jaıly áleýmettik jeli paıdalanýshylary habarlady. Bala Atyraýdyń Sary-Arqa shaǵyn aýdanynda keshe keshkisin tabylǵan. Kýágerlerdiń aıtýynsha, balanyń densaýlyǵy jaqsy kórinedi, kıimi taza, janyna tamaqtandyrýǵa arnalǵan bótelke salynǵan.
Polıtsııa departamenti atalmysh oqıǵa boıynsha qylmystyq is qozǵap, balanyń tabylǵanyn rastady. Ózge aqparattar is anyqtalǵannan keıin jarııalanatyn bolady.
