Atyraýda kópjylǵy aǵashtar tamyrymen kóshirildi
«AtyraýInjStroı» JShS baspasóz qyzmetiniń málimetinshe, Atyraý qalasyndaǵy keńeıtiletin jol boıyndaǵy aǵashtar jumysty atqarýǵa kedergi keltirgen.
«Jobaǵa sáıkes, aǵashtar kesilýi tıis edi. Biraq, jobaǵa tapsyrys berýshi men kompanııanyń birlesken uıǵarymymen aǵashtardy basqa jerge aýystyryp, saqtaý týraly sheshim qabyldandy», dep habarlady kásiporynnyń baspasóz qyzmeti.
Osylaısha, aýqymdy jumys bastalǵanǵa deıin 38 aǵash «Munaıshy» stadıony mańyndaǵy alleıaǵa kóshirilgen. Qalany kógaldandyrýmen aınalysatyn «KDMS» merdigerlik kompanııasynyń mamandary «qonys aýdarýshylarǵa» únemi baqylaý júrgizgeli otyr.
«Aǵashtar jańa orynǵa beıimdelgenge deıin «aýyrady». Biraq, tyńaıtqyshtar men sýarý aǵashtardyń tamyr jaıýyna kómektesedi. Bir aıda aǵashtyń tamyr jaıǵany nemese ólip qalǵany belgili bolady», -dep málim etti «AtyraýInjStroı» baspasóz qyzmetinen.
Eske sala ketelik, budan buryn atyraýlyq oqýshylar saıabaqqa jemis aǵashtarynyń kóshetin ekken bolatyn.
