Atyraýda kóppáterli turǵyn úıdegi syra bary órtenip ketti
ATYRAÝ. QazAqparat - Atyraýda kóppáterli turǵyn úıdegi syra bary órtenip ketti, dep habarlaıdy QazAqparat tilshisi.
«27 maýsym kúni 18:26-da shaqyrtý tústi. Qońyraý shalǵan adam Atyraý qalasy Amangúl aýdanynda kóppáterli úıdiń astynda ornalasqan «Bretzel» restoranynan órt shyqqanyn habarlady. Órt sóndirýshiler baryp, restoran ishindegi syra barynyń 70 sharshy metr aýmaǵy órtenip jatqanyn anyqtaǵan. Órt bolǵan kezde restoran jumysy toqtap turǵan. Tilsiz jaý restorannyń qoıma bóliginde symnyń tuıyqtalýynan shyqty degen boljam jasaldy. Órtti sóndirýge Atyraý oblysy TJD «Órt sóndirý jáne avarııalyq-qutqarý jumystar» MM-ge qarasty 16 qyzmetker men 3 tehnıka jumyldyryldy. Tilsiz jaý 19:09-da tolyqtaı aýyzdyqtaldy» delingen habarlamada.
Vedomstvo málimetine saı, oqıǵa kezinde eshkim japa shekpegen.
