Atyraýda kóppáterli 70 úı salynady
ATYRAÝ. QazAqparat - Atyraýda kóppáterli 70 turǵyn úıdiń qurylysy bastalady, dep habarlaıdy QazAqparat.
«Qazirgi tańda árqaısysynda 72 páteri bar 9 qabatty 70 úıdiń qurylysyna qajetti joba-smetalyq qujattar daıyndalyp jatyr. Bizdiń boljamymyzsha, qajetti qujattardyń barlyǵy jeltoqsan aıynda daıyn bolady. Sodan soń shamamen 40-45 úıdiń irgetasyn quıý jumystary bastalyp ketedi. Qalǵan úılerdiń qurylysy kelesi jylǵa qalady. 2019 jyly 50 úıdi paıdalanýǵa berý josparlanyp otyr»,-dedi Atyraý oblystyq qurylys basqarmasynyń jetekshisi Málik Amanov.
Aıta keteıik, bıylǵy jyly oblysta 3892 páteri bar 44 kópppáterli úılerdiń qurylysy bastaldy. 34 úı bıyl paıdalanýǵa beriledi. Bul oblys kóleminde sońǵy jyldary iske asyrylǵan eń aýqymdy sharalar bolyp otyr.
