Atyraýda kópqabatty úılerge jylý berile bastady

ATYRAÝ. QazAqparat – Atyraý qalasynda kópqabatty úılerge jylý berile bastady, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetine súıensek, bıyl aýa raıynyń salqyndyǵyna baılanysty jylýdy merziminen erte berý jóninde sheshim qabyldanǵan.

«Qazir shahardaǵy kópqabatty úılerge jylý berile bastady. Jylý shaǵyn aýdandardyń bárine kezeń-kezeńmen beriledi. Óńirdegi 1 776 kóppáterli úıdiń 1 100-den astamy Atyraý qalasynda ornalasqan», - dep habarlady ákimdiktiń baspasóz qyzmeti.

Eske sala ketelik, budan buryn Atyraý oblysynda jylý maýsymyna daıyndyqqa 3 mlrd teńge jumsalǵanyn jazǵan edik.