Atyraýda kópqabatty turǵyn úıdiń kireberisine qarshyǵa ushyp kirgen

ATYRAÝ. QazAqparat – Atyraýda kópqabatty turǵyn úıdiń kireberisinen shyǵa almaǵan qarshyǵa qutqaryldy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, oqıǵa búgin saǵat 13.55-te tirkelgen.

«Departamenttiń dıspetcherlik pýltine Atyraý qalasyndaǵy B.Momyshuly kóshesinde ornalasqan №7 úıdiń turǵyndarynan kireberiske jyrtqysh dala qusyp kirip ketkeni týraly habar tústi. Shaqyrtý ornyna kelgen qutqarýshylar turǵyn úıdiń kireberiske kirgen qustyń qarshyǵa ekenin anyqtady. Qutqarýshylar suńqardy ustap alyp, erkindikke jiberdi», - dep málim etti departamenttiń baspasóz qyzmetinen.

Ázirge qarshyǵanyń qozǵalysy kóp qalaǵa qalaı kelgeni belgisiz. Degenmen, ózdiginen dalaǵa shyǵar joldy taba almaǵan qusty qutqarýǵa jedel-qutqarý jasaǵynyń 3 qyzmetkeri men 1 tehnıkasy jumyldyrylǵan.

Eske sala ketelik, budan buryn Atyraýda 4-qabattan qulap, kúnqaǵarǵa ilinip qalǵan er adam qutqarylǵanyn jazǵan edik.