Atyraýda kópqabatty turǵyn úıden órt shyqty
ATYRAÝ. QazAqparat – Atyraý qalasynda kópqabatty turǵyn úı órtendi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, órt týraly habar búgin, 18 qazan kúni saǵat 16:16 shamasynda túsken.
«Atyraý qalasyndaǵy S.Datov kóshesinde ornalasqan kópqabatty turǵyn úıdiń shatyry órtengen. Jalyn saldarynan 4 jáne 5-qabattaǵy balkon janǵan. Jergilikti ýaqytpen saǵat 16:48-de tolyq joıylǵan órtti sóndirýge 9 arnaıy tehnıka, onyń ishinde 2 avtosaty tartyldy», -dep habarlady departamenttiń baspasóz qyzmeti.
Turǵyn úıdegi órtten zardap shekkender men qaza tapqandar joq.
Eske sala ketelik, buǵan deıin atyraýlyq turǵyn benzın shashyp, aǵasynyń úıin órtep jibergenin habarlaǵan edik.
