20:08, 18 Qarasha 2020 | GMT +6
Atyraýda kópqabatty 7 turǵyn úı jylýsyz qaldy
ATYRAÝ. QazAqparat - Atyraýda kópqabatty jeti turǵyn úı jylýsyz qaldy, dep habarlaıdy QazAqparat.
Nursaıa-2 shaǵyn aýdanynyń jylý berý jelisinde qalpyna keltirý jumystary júrgizilip jatyr. Sebebi 18 qarashada kvartaldyq jelilerdiń jylytý qubyrlarynan sý aǵatyny anyqtaldy.
Bul jeliler 2015 jyly júrgizilgen. Osylaısha jeti úı jylýdan ajyratyldy.
«Qazirgi ýaqytta aǵyp ketken sý eki vakýýmmen soryp shyǵarylyp jatyr. Problemany joıý jónindegi birlesken jumysty TKSh jáne jylý jelisiniń qyzmetkerleri atqarýda» dep habarlady ákimdiktiń baspasóz qyzmeti.
