Atyraýda kópirden sekirip ketken júkti kelinshek qutqaryldy

ATYRAÝ. QazAqparat - Atyraýda kópirden sekirgen júkti áıel qutqaryldy, dep habarlaıdy QazAqparat.

Oblystyq TJD baspasóz qyzmeti taratqan málimetke sensek, 2021 jyldyń 7 jeltoqsanynda júkti áıel jaıaý júrginshiler kópirinen sekirip ketken.

Oqıǵa tańerteń saǵat 09.35 kezinde bolǵan..

Atyraý oblystyq polıtsııa departamentiniń qyzmetkerleri qaıyqpen áıeldiń janyna deıin júzip, ony sýdan shyǵardy.

Sosyn polıtseıler kelinshekti Atyraý oblysy TJD qyzmetkerlerine tapsyrdy.

Qutqarýshylar dereý jasandy tynys alý jáne júrek massajy arqyly alǵashqy kómek kórsetti.

Qutqarýshylardyń jedel jáne batyl áreketiniń arqasynda áıel adam jedel járdem kelgenge deıin qutqaryldy.

Qutqarý operatsııasyna Atyraý oblysy tótenshe jaǵdaılar departamentiniń 5 qyzmetkeri men bir tehnıka qatysty.