Atyraýda kópirden sekirgen jasóspirim qyzdyń jaǵdaıy aýyr
ATYRAÝ. QazAqparat – Atyraýda kópirden sekirgen jasóspirim qyzdyń jaǵdaıy aýyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, kópirden Jaıyq ózenine sekirgen qyz aýrýhanada jatyr. Onyń jasy – 14-te.
«Dárigerler jasóspirim qyzǵa gıpoksıkalyq-ıshemııalyq entsefalopatııa dıagnozyn qoıǵan. Mıdyń isiný qaýpi týyndap otyr. Aspıratsııalyq pnevmonııanyń asqyný qaýpi bar. Qazir aýrýhanada jatqan jasóspirimniń jaǵdaıy aýyr», dep málim etti basqarmanyń baspasóz qyzmetinen.
Eske sala ketelik, budan buryn Atyraýda kópirden sekirgen júkti áıeldiń 4 qabyrǵasy synǵanyn habarlaǵan bolatynbyz.
