Atyraýda kópbalaly otbasy tańdaýyn jasady

ATYRAÝ. QazAqparat - Shańyraq qurǵandaryna on alty jyl tolǵan Rýslan Esberdıev pen Gúlvıra Jaqypovanyń otbasy búginde alty bala tárbıelep otyr, dep habarlaıdy QazAqparat.

Atyraý oblystyq kommýnıkatsııalar qyzmetiniń málimetinshe, olar Atyraý qalasyndaǵy Balyqshy shaǵynaýdanynda ornalasqan №15 saılaý ýchaskesinde daýys berdi.

«Elimizdiń tynyshtyǵy, balalarymyzdyń bolashaǵy úshin tańdaý jasadyq. Biz ár ýaqytta da saılaýǵa belsendi qatysyp kelemiz. Jáne bolashaq ómirimiz jarqyn bolýy úshin azamattyq pozıtsııanyń mańyzdy ekendigin otbasymyzda balalarymyzǵa aıtyp otyramyz» deıdi alty balanyń anasy Gúlvıra Jaqypova. ​

Jarasymdy ​ shańyraq úlgisin kórsetip otyrǵan otbasynyń úlken balasy - on tórt, kishisi - 1,5 jasta.

Eske sala ketelik, Atyraý oblysynda túske deıin saılaýshylardyń 37,3 paıyzy daýys berdi. Bul - elorda ýaqytymen saǵat 14.00 kezindegi aqparat.

Atap ótý kerek, Parlament Májilisi men​ máslıhat saılaýyna oraı Qazaqstan aýmaǵynda jáne odan tysqary jerde 10 060 saılaý ýchaskesi qurylǵan.

Al, Atyraý oblysynda 265 saılaý ýchaskesi daýys berýshilerdi qabyldaýda.

Onda 411 myń saılaýshy tirkelgen.

Oblystaǵy saılaý protsesin halyqaralyq 7 baıqaýshy baqylaýda