Atyraýda kóp mólsherde aqsha jymqyrǵan kompanııa basshysy sottaldy

NUR-SULTAN. QazAqparat - Kóp mólsherde aqsha jymqyrǵan «BNB Construction» JShS dırektory sottaldy, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

QR Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti «BNB Construction» JShS dırektory Temiralınge qatysty sotqa deıingi tergep-tekserýdi aıaqtady.

Temiralın Atyraý oblysynyń burynǵy ákimi Rysqalıev bastaǵan qylmystyq toptyń baqylaýyndaǵy zańdy tulǵalarmen merdigerlik sharttaryn jasaý jolymen 2 mlrd teńgeden astam qarjyny jymqyrǵan.

25 shilde kúni Atyraý qalasynyń №2 sotynyń úkimimen Temiralın 3 jyl da 9 aı merzimge bas bostandyǵynan aıyra jazasyna kesildi.

Budan bólek, sottalýshy 3 jyl merzimge kommertsııalyq uıymdarda basshylyq laýazymdardy ıelený quqyǵynan aıyryldy.

Temiralınniń qylmysynan kelgen zııan somasy negizgi fıgýranttar jáne basqa da sottalýshylarǵa qatysty sot úkimderimen óndirildi.