Atyraýda kóp maqsattaǵy fotoradar keshenderiniń ornalasý núkteleri ózgertiledi
ATYRAÝ. QazAqparat - Atyraý qalasyndaǵy kóp maqsattaǵy fotoradar keshenderiniń ornalasý núkteleri ózgertiledi, dep habarlaıdy QazAqparat tilshisi.
«Zerdeleý jumystarynyń nátıjesimen qaladaǵy jol apattary jıi oryn alatyn aýmaqtar belgilengen. Kólik jyldamdyǵyn asyratyn júrgizýshilerdi tártipke shaqyrý úshin avtomatty tirkeıtin fotoradarlardy qajetine qaraı «qaýipti aımaqtarǵa» ornalastyrý qolǵa alynbaq. Qalada jalpy sany 17 jańa qurylǵy jumys jasaıtyn bolady. Buǵan deıin qoldanysta bolǵan 11 atalmysh qural kómegimen 11555 jyldamdyqty asyrý faktileri tirkelgen», - deıdi ІІD ákimshilik polıtsııa basqarmasynyń bólim bastyǵy Dosaı Jupqalıev.
Aıta ketý kerek, qazir oblys ortalyǵynda 6 jerde, ıaǵnı Dosmuhamedov (burynǵy Moskovskıı), Vladımırskıı, Moldaǵulova kósheleri boıynda, «Ardager» yqshamaýdany tusynda jəne qalǵan ekeýi - Geolog kentine jańa foto qurylǵylardy ornatý jumystary bastaldy. Ornalastyrý jumystary ІІD tehnıkalyq qyzmet tobynyń kúshimen júzege asyrylýda.
