Atyraýda qonys kolonııasy jabyldy

ATYRAÝ. QazAqparat - Atyraýda jańa jyldan bastap qonys kolonııasy - jeńil rejımdegi sottalýshylardyń túzetý mekemesi jabyldy, dep habarlaıdy «QazAqparat» HAA tilshisi.

«Sońǵy jyldary Balyqshy kentindegi qonys kolonııasynda ortasha eseppen 40-50 sottalýshy jazasyn ótedi. Qonys kolonııasy negizinen 90 adamǵa arnalǵan. 40-50 jazasyn óteýshige kolonııa shtatynda 30 maman baqylap otyrdy. Mekemeni qamtamasyz etý úshin jylyna 30 mln.teńgeden astam qarjy bólindi. Sol sebepti ony jabý týraly sheshim qabyldandy», - dep habarlady Atyraý oblystyq prokýratýra basqarmasynyń bastyǵy Kemel Imanǵalıev.

Sondaı-aq, ol kolonııadaǵy sottalýshylardyń Aqtóbedegi qonys kolonııasyna aýystyrylǵanyn atap ótti.