Atyraýda kóne Saraıshyq týraly mýltfılmniń tusaýy kesildi
ATYRAÝ. QazAqparat - Atyraýda «Rýhanı jańǵyrý» baǵdarlamasy aıasynda shyǵarylǵan «Saraıshyqqa saıahat» mýltıplıkatsııalyq fılminiń tusaýkeseri boldy, dep habarlaıdy «QazAqparat» HAA tilshisi.
10 bólimnen turatyn mýltfılm balalardyń kóne Saraıshyq qalasyna jasaǵan qyzyqty saıahaty jaıly syr shertedi. Q-Daily medıa ortalyǵy osy mýltfılmdi shyǵarýǵa eki aı ýaqyt jumsady.
«Saraıshyqqa saıahat» - Qazaqstanda eń jańa tehnologııalardyń kómegimen shyǵarylǵan anımatsııalyq fılm. Stsenarııdi jazarda Atyraý oblysynyń Mahambet aýdanyndaǵy kóne qalanyń ornyndaǵy arheologııalyq qazba jumystary júrgizilgen oryndaryna baryp, zertteýlermen tanystyq, ǵalymdardyń keńesterin tyńdadyq. Kórgen-bilgenderimizdiń bárin mýltıplıkatsııa tilimen jetkizýge áreket jasadyq. Kórermen qaýym bizdiń jumysqa oń baǵasyn beredi degen úmittemiz», - deıdi joba prodıýseri Azamat Atageldıev.
