Atyraýda kondýktordyń oqýshylardy avtobýsqa kirgizbeı qoıǵan sáti jelide qyzý talqylanýda
ATYRAÝ. QazAqparat - Áleýmettik jelide taraǵan vıdeo atyraýlyqtar arasynda qyzý talqyǵa tústi. Kadrdan kondýktordyń oqýshylardy avtobýsqa kirgizbeı turǵany kórinedi, dep habarlaıdy «QazAqparat» HAA tilshisi.
Bir top mektep oqýshysy aıaldamaǵa kelip toqtaǵan №30 avtobýsqa otyrmaq bolǵanda kondýktor kishkentaı qyzdardy syrtqa ıterip tastaıdy. Balalar sosyn basqa avtobýsqa qaraı júgire jóneledi. Oǵan úlgere aldy ma, joq pa - vıdeoǵa túspeı qalǵan. «Avtobýstyń nómiri belgisiz. Kondýktor jáne júgizýshimen sóılesip, eskertý beriledi. Endigári osy jaǵdaı qaıtalanatyn bolsa, olardy baǵdardan alyp tastaıdy», - dedi qalalyq ákimdiktiń baspasóz qyzmetindegiler.
