Atyraýda qonaqúıdegi órt: TJD 29 balany qutqarǵandardy izdestirýde
ATYRAÝ. QazAqparat - Oblystyq TJD Atyraý qalasyndaǵy qonaqúıde shyqqan órtten qutqarylǵan balalarǵa qatysty tolyǵyraq málimet berdi, dep habarlaıdy QazAqparat.
«Tótenshe jaǵdaılar qyzmetkerleri kelgenshe, órt kezinde «Raıhan» qonaqúıinde bolǵandardy qutqarý bastalyp ketti. Birneshe jas jigit Oral qalasynan bapkerimen kelgen 7-8 jastaǵy fýtbolshylardy qaýipsiz jerge evakýatsııalaǵan. Olar 29 bala men eki eresekti janyp jatqan ǵımarattan alyp shyqty. Kýágerler órt sóndirýshilerge ekinshi qabattaǵy balalardyń barlyǵy qutqarylmaǵanyn habarlaǵan. Qutqarýshylar jalyn sharpyǵan qonaqúıdiń ishinen taǵy úsh balany shyǵardy. Qonaqúıde bolǵandardan eshkim zardap shekken joq», - dedi oblystyq TJD-nyń baspasóz qyzmetindegiler.
Olardyń málimdeýinshe, qazir qonaqúıdegi balalar men úlkenderdi qutqarǵandardyń aty-jónderi anyqtalyp jatyr.
Avtory A.Sokolov
