Atyraýda qonaqqa kelgen kelinshek páterdegi teledıdar men telefondy urlap ketti

ATYRAÝ. QazAqparat - Atyraýda qonaqqa kelgen áıel úıdegi teledıdar men telefondy úptep ketken, dep habarlaıdy QazAqparat Polisia.kz resýrsyna silteme jasap.

16 tamyz kúni Atyraý qalasynyń turǵyny polıtsııaǵa habarlasyp, úıine kelgen qonaq kelinshek páterdegi teledıdar men telefondy urlap ketkenin aıtyp shaǵymdanǵan. Áıeldiń bul áreketi kireberistegi beınekameraǵa túsip qalǵan.

Polıtsııa qyzmetkerleri kúdiktini anyqtap, ustady. Áıelden eshqaıda ketpeý týraly qolhat alynyp, ol úıine jiberildi.

Qylmystyq kodekstiń 188-baby 1-bólimi boıynsha is qozǵalyp, sotqa deıingi tergeý amaldary júrip jatyr.

Óz kezeginde atyraýlyq polıtseıler qala turǵyndaryna urlyqtyń aldyn alý úshin birqatar sharalardy qabyldaý kerektigin eskertedi.

Atap aıtqanda, aýlada beınebaqylaý kamerasyn jáne dabylqaqqysh ornatyp, kireberis pen aýlany jaryqtandyrý, terezege - temir tor, esikke - senimdi qulyp qoıǵan jón.

Úıge ury kirse nemese osyndaı jaǵdaıǵa kýá bolsańyz, dereý 102 qyzmetine habarlaǵan abzal.