Atyraýda kómirqyshqyl gazyn normadan artyq shyǵarǵan kompanııaǵa aıyppul salyndy
Atyraý qalasynyń ákimshilik quqyq buzýshylyqtar jónindegi mamandandyrylǵan sotynda «Karabatan Utility Solutions» JShS-ǵa qatysty ákimshilik is qaraldy. Іs QR Ákimshilik quqyq buzýshylyq týraly kodeksiniń 329-babymen (Parnıktik gazdar shyǵaryndylaryna kvotanyń belgilengen jáne qosymsha alynǵan kóleminen asyp ketý) qozǵalǵan.
Atyraý oblysynyń mamandandyrylǵan tabıǵat qorǵaý prokýratýrasynyń talaby negizinde oblystyq ekologııa departamentiniń «Karabatan Utility Solutions» JShS-ǵa qatysty jospardan tys tekserý júrgizgen.
«Tekserý kezinde 2021 jylǵy parnıktik gazdar shyǵyndylaryn túgendeý jónindegi eseptiliktiń nátıjesimen kómirqyshqyl gazynyń (SO2) shyǵaryndysy belgilengen shegi 20 myń tonnadan (esepte 35 482 tonna) asqan. Ári qaraı, ýákiletti memlekettik organmen parnıktik gazdar shyǵaryndylary kvotasynyń kólemin 35 482 tonna mólsherinde kelisilgen. Alaıda, 2021 jylǵy parnıktik gazdar shyǵaryndylaryn túgendeý týraly bastapqy derekterdi paıdalana otyryp, esepteýler júrgizý kezinde SO2 shyǵaryndylarynyń naqty kólemi 743 105, 874 tonnany quraıtyny anyqtalǵan», -dep habarlady sottyń baspasóz qyzmeti.
Osylaısha, «Karabatan Utility Solutions» JShS kómirtegi kvotasynyń belgilengen kóleminen aıtarlyqtaı asyryp, kvotalanatyn qondyrǵyny paıdalanýdy júzege asyrǵan.
Sot qaýlysymen «Karabatan Utility Solutions» JShS-ǵa 7 224 485 941 teńge ákimshilik aıyppul túrindegi ákimshilik jaza qoldanyldy.
Sot qaýlysy zańdy kúshine engen joq.
Eske sala ketelik, buǵan deıin Atyraý oblysynda tabıǵatty lastaýshylardan 104 mln teńge aıyppul óndirilgenin jazǵan edik.
