Atyraýda kolledjdi 400-ge jýyq túlek úzdik dıplommen bitirdi
ATYRAÝ. QazAqparat - Atyraýda kolledjdi 388 túlek úzdik dıplommen bitirdi. Kolledjdi támamdaǵan túlekter «Aq jol saǵan, jas maman» atty oblystyq V forýmy aıasynda dıplomdaryn qolǵa aldy, dep habarlaıdy QazAqparat tilshisi.
Sharanyń basty maqsaty daryndy jastardy qoldaý, úzdik dıplom ıegerleriniń jańa qadamdaryna aq jol tilep, mamandyqtarynyń bilgiri bolýyna sep bolý.
Jıynǵa tehnıkalyq jáne kásiptik bilim beretin oqý oryndarynyń úzdik túlekteri, oblystyq bilim berý basqarmasy ujymy, ardager ustazdar men ata-analar qatysty. Jıynda dıplomdardy tabystaǵan oblystyq bilim berý basqarmasynyń basshysy Qaıyrǵalı Kenjeǵalıev jas mamandarǵa sáttilik tiledi.
«2017 jyldan bastap respýblıka boıynsha tegin kásiptik tehnıkalyq bilim júıesi engizildi. Soǵan baılanysty respýblıka boıynsha 2600-ge jýyq jas tegin kásiptik oqytý boıynsha oqyp jatyr. Bizdiń óńirimizde de maman daıarlaý baǵytynda oblystyq bıýdjetten qarajat bólinip, mamandar bilim alýda. Elbasymyzdyń bıylǵy 5 áleýmettik bastamasy boıynsha stýdent jastardy jataqhanamen qamtamasyz etý jumystary da júrgizilip keledi. Qabiletti maman daıyndaý jolynda jumystar aldaǵy ýaqytta da jalǵasady», - dedi Qaıyrǵalı Rysqalıuly.
Bıylǵy jyly Atyraýdaǵy 25 tehnıkalyq jáne kásiptik kolledj bitirýshileriniń sany 5115, onyń 388-i úzdik dıplom ıegerleri.
«Búgin men úshin erekshe kún. Bizge bilim bergen ustazdarymyzǵa, aýqymdy shara uıymdastyrǵan oblys ákimdigine alǵysymyzdy bildiremiz. Aldaǵy ýaqytta osy meńgergen ustazdyq mamandyǵymdy jalǵastyryp, bedeldi de bilikti muǵalim bolam degen senimdemin»,- deıdi Qatıra Dútbaeva Atyraý gýmanıtarlyq kolledjiniń stýdenti Altynaı Aqylbek.
